PUTRAJAYA: Malaysia nguna lebih mayuh serikat ke ngembuan teknologi ti sedia bekunsika idea ke ngemeranka inovasyen tinggi, chara mutarka enggau teknologi dikena napi pemar global.
Tuju nya dikena ngemeratka sains, teknologi enggau inovasyen (STI) ba dalam pengawa ngemansangka menua tu.
Menteri Sains, Teknologi enggau Inovasyen Datuk Seri Dr Adham Baba madahka, nengah model ti dikunsika entara perintah enggau peribit, Opis Menteri Sains, Teknologi enggau Inovasyen (MOSTI) bisi juluk deka ngemunka kerejasama enggau opis menteri ke bekaul, serikat ke bisi kaul enggau perintah enggau serikat besai ba menua tu numbuhka serikat unicorn menua.
“Kerejasama tu ditumbuhka dalam timpuh lima taun ti deka datai dikena nyungkak penumbuh ekonomi Malaysia lebih agi nyendiaka peluang pengawa,” ku iya madah ba pengerami ngelancharka Laporan Tinjauan Sains 2020 ti diatur nguna chara dalam tali arus maya Hari Empat.
Berebak ari nya, iya madahka opis menteri deka ngelancharka MyStart Up Roadmap ti mai tuju negapka ekosistem pengemun pengawa dagang ti arapka ulih ngerembaika teknologi ke lebih tulin seraya nempa pedagang teknologi betikas dunya ke nyulut.
Dr Adham nerangka senentang STI mesti bejalai seririh enggau sosioekonomi tang enda ngeruga asil pengeraja asal rampa menua dikena mandangka asil ke mai empas manah ngagai rayat.
