SELANGAU: Projek jalai ke Rumah Jeli enggau Rumah Juki Bukut Lemai, Balingian disadang tembu tengan bulan Oktober 2021.
Kaban Kunsil Nengeri (ADUN) Tamin, Christopher Gira Sambang madahka kereja ngangkatmanah jalai sepemanjai 7KM nya diatu benung digaga.
“Agih belanja ngaga projek tu dipinta Tuai Rumah Jeli nengah ADUN Tamin YB Christopher Gira Sambang sereta dikemendarka Perintah Nengeri Sarawak enggau ungkus sepenyampau RM1.1 Juta,” ku iya lebuh dirandau pengarang berita sehari tu.
Ku iya madah, jalai tu suba iya nya ladang sawit sebedau digaga nyadi jalai ke ditengah peranak kandang menua tu
Projek tu digaga enggau dipatau Ejensi Pengemata Projek iya nya JKR Sarawak enggau kuntriktor CMS.
Penembu projek tu ila deka meri pengelantang sereta pengelikun ngagai peranak ba genturung pendiau ditu.
Peranak di Rumah Jeli enggau Rumah Juki berasai gaga ati sereta meri terima kasih ngagai ADUN Tamin, Perintah GPS ti udah ngamat sereta ngemendarka peminta sida.
