MIRI, 3 Oct : Bisi siku lelaki bebadi nyawa pengudah dilantak kerita semak enggau sepital peribit di Jalai Pujut kena malam hari Enam.
Ku Tuai Tasat Enggau Penerit Adat Trafik Superintenden Alexson Naga Chabu madah, tudah ke benama Chai Vui Ong berasal ari Jalai Tudan, Lutong bebadi nyawa ba palan penusah nya urung pukul 7.30 malam.
Asil tasat tumu, tudah tu dilantak kerita ti dibai siku lelaki ke beumur 46 taun ti deka pulai ngagai rumah pengudah ke abis gawa malam besemak enggau endur palan penusah nya nyadi.
“Lelaki nya deka mindah ngagai lurung kiba ti nuju ngagai rumah iya lalu ngelantak lelaki nya,”
“Lebuh iya ngetuka kerita baru nemu diri udah ngelantak siku pejalai kaki,”
Alexson madahka eksiden nya nyadi ketegal pengilap iya ti deriba.
Tudah disahka parai ba endur penusah nya ari raban perubat sepital Miri urung 8.05 malam.
Entudika nya, tubuh tudah dianjung ngagai sepital miri kena bejalaika atur ke patut.
Kes nya ditasat ba baruh seksyen 41(1) Akta Perengka Pengangkut Jalai Alun (APJ) 1987.
