KUALA LUMPUR, Sept 27 : Menteri Besai Datuk Seri Ismail Sabri Yaakob kena hari Lima mantaika Pelin Malaysia Lumpar Ke-12 (RMK12) ti deka nyadi pelasar tunga tuju pemansang menua ti berambaika jaku ‘Keluarga Malaysia – Makmur, Inklusif, Mampan’.
RMK ke-12 ukai semina ngerembaika ekonomi menua aja tang ulih ngangkat manah tikas pengidup rayat enggau peluang sereta asil ke diberi manah agi.
Kena tuju tu, semilan batang pekara tu deka nyadika menua malaysia ngembuan epnatai pemisi besai sereta ngangkat manah tikas pengidup rayat manggai ba taun 2025.
”Keterubah iya nya ngerichahka agi penumbuh ekonomi; kedua iya nya Negapka Penyungkak Ekonomi ; ketiga Ngangkat manah Pengidup Keluarga Malaysia; keempat iya nya Negapka Pengelikun sereta Pengelantang Mensia Mayuh; kelima iya nya Mutarka Isu Seranta enggau Ngerapitka Tikas Penatai Pemisi, keenam iya nya Negapka Agenda Bumiputera enggau Keluarga Malaysia, ketujuh iya nya Ngangkatka Pemansang Sabah, Sarawak enggau Nengeri Kurang Mansang, kelapan iya nya Ngenyampatka Negap Pemanah Rampa Gadung lalu kesemilan iya nya Ngangkat manah Pengawa Servis Perintah sereta nentuka pengawa polisi ti engkeman,”
Ku iya nambah agi, RMK12 dijangka mekuhka sukut pengelantang enggau nyaga rama rayat ti nyadi sebagi ari penyungkak ekonomi menua.
Tu berindik ari menua agi napi pandemik COVID-19 ba pengujung Pelin Malaysia Lumpar Ke-11 (RMK11) enggau perintah besai ke suah berubah.
Ba awak ke sama, perintah udah ngemendarka sepenyampau RM400 billion ungkup projek ke ditampung enggau projek baru ba baruh RMK12.
