KUCHING: Sarawak kena Hari Enam ngerikodka 2,712 kes positif baru Covid-19 ti nyadika penyampau semua kes nambah ngagai 196,146 kes.
Sehari tu mega, bisi 10 kes nabanka nyawa ketegal kena rampit igi penyakit Covid-19.
Komiti Mutarka Penusah Ngenyit Nengeri (JPBN) Sarawak madahka, Kuching mengkang ngerikodka kes pemadu tinggi iya nya 888 kes ditangkanka Sibu (320) enggau Miri (190).
“Kes positif di Samarahan (145), Sri Aman (134), Bintulu (132), Serian (97), Bau (93), Marudi (63), Sarikei, Belaga (53), Limbang, Lundu (48), Kapit, Betong, Kanowit (43) Simunjan, Lubok Antu (41), Asajaya (40), Pusa (35) enggau Mukah (33).
“Pelilih bukai ti ngerikodka kes positif iya nya Saratok (25), Subis (17), Selangau (14), Tanjung Manis (12), Daro (9), Bukit Mabong (8), Tebedu (7), Pakan (6), Lawas, Dalat, Meradong(5), Tatau (4), Beluru , Sebauh (3), Matu, Julau (2) Song enggau Telang Usan bela ngerikodka siti kes,”ku dalam penerang nya.
Kelimpah ari nya, bisi siti Kluster baru diripotka di Sarawak iya nya Kluster Julin Dabai, Marudi ti ngaul kluster komuniti.
Ari 84 iku diperesa bisi 70 iku ditemu positif kena rampit igi penyakit Covid-19 nyengkaum kes indeks.
Ba awak ke sama, lima kluster udah punas ti ngaul Kluster Kampung paya Mebi, Kuching, Kluster Lorong Teruntum, Kuching, Kluster Braang Payang, Kuching, Kluster Se-menyan, Sibu enggau Kluster Jalan Hulu Engkamop, Pakan.
Naka ke diatu, bisi 127 kluster agi aktif di nengeri tu.
