KUCHING, 23 Sept: Sarawak ngerikodka 1,766 kes positif baru Covid-19 ti nyadika penyampau semua kes nambah ngagai 190 ribu 609 kes naka ke diatu.
Komiti Mutarka Penusah Ngenyit Nengeri (JPBN) Sarawak sehari tu mega ngeripotka bisi 15 kes nabanka nyawa ketegal Covid-19.
Pesakit ti udah nadai tu tebal agi sida ti bisi penyakit raya baka darah tinggi, penyakit jantung, enggau kemi manis.
Bitihka penerang JPBN Sarawak, Kuching mengkang ngerikodka kes pemadu tinggi di nengeri tu iya nya 399 kes ditangkanka Sibu (247 kes) enggau Bintulu (217 kes).
“Pelilih bukai ti ngerikodka kes positif Covid-19 iya nya Miri (191), Bau (112), Tatau (59), Kanowit (54) Mukah,(43)Saratok(42)Sarikei,Limbang(41)SriAman(39)Subis(36)Lundu(34)Serian(33),Kapit(29)
Samarahan(26)Pakan(20)Meradong(15)Tebedu(13)Betong(9)Lawas,Bukit,Mabong(8)Belaga,Simunjan
(7)Beluru(6)Pusa, Asajaya(5), Julau, Selangau, Sebauh(4), Lubok Antu(3), Kabong(2) Song, Daro, Dalat bela siti kes.
JPBN Sarawak mega madahka bisi empat kluster baru diripotka iya nya Kluster Kampung Bunuk, Kuching, Kluster Jalan Buan, Tatau, Kluster Tanjong Bako, Kuching enggau Kluster Jalan Hospital Sri Aman.
Naka ke diatu, bisi 131 kluster agi aktif di nengeri tu.
