KUALA LUMPUR: Bisi RM21 juta udah diagihka ungkup taun tu dikena numbuhka Pusat Sokongan Sosial Setempat (PSSS).
Ku Menteri Pemansang Orang Indu, Ruang Bilik enggau Mensia Mayuh Datuk Seri Rina Harun madahka tuju tu dikena mantu orang indu ke betapi enggau isu ruang bilik, sarak sereta diperinsa.
Nya alai palan tu ila deka nyadi palan ke alai sida iya nerima kaunseling sereta betanya ke penemu dikena mutarka isu sida lalu ulih nyadi palan pengenduh sementara sebedau dibai ngagai raban ke bekaul.
“Tu ngaul tiga PSSS ti bisi premis, tujuh PSSS nguna chara mindah kin kitu dikena mantu orang indu ke ditinggang penusah ruang bilik , sarak, ditipu, diperinsa sereta ke napi penanggul pengelantang,” ku iya madah.
Iya bejaku munyi lebuh nyaut tanya Datuk Mohd Nizar Zakaria ti nanya senentang inisiatif Opis Menteri dikena mantu mensia mayuh bekaul enggau isu ruang bilik.
Bepelasarka data rikod ari Polis Diraja Malaysai (PDRM) , bisi 9,015 kes ruang bilik diripotka berengkah bulan Mac siti nyin tadi nyentuk ke Ogos tu.
