KUALA LUMPUR, 19 Sept: Perintah besai setuju deka bejalaika tuchuk dos ketiga vaksin Covid-19 dalam juluk nyaga pengelikun raban ke berisiko kena rampit Covid-19.
Menteri Besai, Datuk Seri Ismail Sabri Yaakob madah, tuchuk vaksin dos ketiga deka dikemeratka ngagai raban ti bisi risiko tinggi baka raban gawa di luan enggau pesakit kurang antibodi (Terimunokompromi).
“Dos ketiga tu deka ngangkatka imuniti tubuh raban ti berisiko tinggi kena rampit pengekai igi penyakit COVID-19, ti dipelaba nurun dalam timpuh tetentu sepengudah dos kedua,” ku iya dalam siti penerang sehari tu.
Kelimpah ari nya, orang tuai umur enggau sida ti bisi penyakit raya sereta sesiku orang ti diau tauka gawa ba palan nyaga timpuh panjai enggau ke bekaul deka diberi tuchuk vaksin lebuh populasyen rayat di serata menua udah nyapai lebih 80 peratus nerima vaksin.
Ku Ismail madah, semua pekara bekaul enggau program betuchuk vaksin dos ketiga deka dipadahka Menteri Pengerai Khairy Jamaluddin.
