STUTTGART, 27 Jun: Penyampau kerita elektrik di selampur dunya nambah urung satu pertiga taun nyin kemari ngagai 55.8 juta unit, lalu menua China ngerikodka lebih 50 peratus ari penyampau nya iya nya 31.4 juta unit, ku ripot sebuah institut pansik kuasa Jerman.
Agensi Berita Emiriah (WAM) ngeripotka penyampau ke digempur Palan Pansik Kuasa Suria enggau Hidrogen Baden-Wurttemberg (ZSW) nya mungkur kerita elektrik penuh, hibrid palam enggau kerita elektrik ke ulih sambung jauh.
Ba penuduk kedua – enggau penyampau takah besai dibanding penuduk pemadu atas China – iya nya Amerika Syarikat ke bisi 6.4 juta unit, ditangkan Jerman ba penuduk ketiga ke bisi 2.6 juta unit.
United Kingdom enggau Peranchis bela ngembuan urung 2.1 unit, udah nya Norway ngembuan satu juta unit.
Sepengudah beberapa taun nambah majak tegap, penurun mega dirikod ba taun 2024. Penyampau semua penambah iya nya 13.8 juta unit dibanding 14.2 juta unit ba taun 2023.-TVS
