KUALA LUMPUR, 27 Jun: Ex-penyerang tim nasional Safee Sali madah diri ngelengka ke pangku pengawa nyadi Presiden Gerempung Pemain Bol Profesional Malaysia (PFAM).
Safee nengah sebengkah penerang sehari tu madahka ukai mudah iya ngaga pemutus nya, tang iya andal udah datai maya endur meri peluang ngagai rebak baru mangku pengawa nya sereta ngiring ngerempung nuju jeman baru.
“Udah datai maya iya endur aku nyurutka diri lalu meri peluang ngagai rebak baru ngiring. Aku andal buah penemu ke baru enggau inovatif beguna amat dikena ngemansangka main bol ngagai tikas global.
“Siti basa ulih gawa mangku pengawa tu lalu aku temegah enggau semua japai ke udah diulih sekumbang timpuh aku mangku tu. Tanggungpengawa aku nyadi presiden PFAM udah abis naka tu kenyau 2019 nyentuk ke sehari tu,” ku iya nengah sebengkah penerang ba laman Instagram.
Safee madah iya andal tuai baru gerempung nya deka mai semangat baru bekau ari penyayau sida ngagai main nya lalu iya nganti ubah positif ti dibai sida ke pemaik lumba nya.-TVS
