KUALA LUMPUR, 19 Sept: Pengawa muka Palan Ngajar Anak Mit (Tadika) berengkah Hari Lima tu tadi iya nya nyengkaum semua tadika peribit, tadika di sekula peribit, tadika di sekula antarabansa enggau sekula ekspatriat ke berejister ba baruh Opis Menteri Pengerai Malaysia (KPM).
KPM nerang penendu mutus ngemendarka tadika dibuka tu nyengkaum nengeri ba fasa satu enggau dua Pelin Mulaika Pemanah Menua (PPN) sereta ngagai nembiak ke beumur empat nyentuk enam taun ti mungkur apai indai tauka penyaga ti gawa.
Pekara tu seriris enggau pekara ti dipadahka Menteri Besai, Datuk Seri Ismail Sabri Yaakob kena Hari Tiga nyin tadi.
Nitihka dalam siti penerang, KPM madahka pengawa muka tadika tu bepelasarka ngagai kapasiti kelas enggau ngemeranka Standard Atur Pengawa (SOP) baka seraka fizikal ti udah ditetapka.
Sebedau tu, Ismail Sabri maya madahka penendu SOP PPN ungkup sekeda sektor baka tabika, taska, tadika enggau palan nyaga dikemendar beoperasyen di nengeri fasa satu enggau dua PPN.
