MIRI, Sept 18 : Dua iku diri menyadi bakal ba pala enggau tubuh sepengudah diserang lima iku lelaki maya malam hari Lima ba luan kedai runchit di Krokop, Miri.
Empat ari lima iku lelaki nya nembiak baruh umur ke beumur 15 nyentuk ke 18 taun.
Penusah nya nyadi urung pukul 9.40 malam.
Tudah ke beumur 40 taun enggau menyadi lelaki iya benung ba dalam kedai runchit sebedau kelima-lima iku saspek ti nyengkaum siku orang tuai umur nguna kayu sereta rotan nyerang kedua-dua menyadi nya.
Sepengudah nya, seraban polis ari Seksyen Tasat Pengawa Jai (JSJ) Indu Opis Pelilih Miri (IPD) udah ngetan semua saspek ba sebuah kedai muto di Piasau Industrial enggau Piasau Utara.
Berebak ari nya, Tuai Polis Pelilih Miri Acp Hakemal Hawari madahka, semua saspek nya ditan ngambika mantu pengawa tasat.
Kes benung ditasat ba baruh seksyen 324 enggau seksyen 427 Kanun Keseksaan.
