KUCHING, Sept 18 : Sarawak ngerikodka 2,929 kes baru positif COVID-19 enggau tiga kluster baru ti ngaul kluster rumah panjai di Kanowit sereta 10 kes pemati kena hari Enam.
Ku Komiti Mutarka Penusah Ngenyit Nengeri (JPBN) Sarawak dalam siti penerang media madahka, 2,926 kes positif covid-19 tauka 99.9 peratus ba baruh kategori klinik satu enggau dua lalu 3 kes positif tauka 0.1 peratus ba baruh kategori tiga, empat enggau lima.
10 kes pemati nya ngaul pesakit ke bisi penanggul pengerai tauka komorbid.
Kuching mengkang nyadi pelilih ti ngerikodka kes ti pemadu tinggi iya nya 747 kes, ditangkanka Sibu (327), Bintulu (311), Serian (286), Miri (173), Saratok (116), Sri Aman (112), Samarahan (108), Mukah (93), Limbang (67), Betong enggau Subis (57), Sarikei (53), Kapit (36), Telang Usan (35), Belaga enggau Bau (34), Kanowit (31), Song (27), Asajaya (26), Pakan (24), Selangau (22), Lawas enggau Dalat (18), Tanjung Manis (17), Simunjan (15), Meradong (14), Tebedu (13), Lubok Antu (11), Marudi (8), Kabong Enggau Bukit Mabong (7), Daro enggau Sebauh (5), Lundu enggau Matu (4), Tatau (3), Beluru (2) sereta Pusa Enggau Julau (1).
Bisi 11 genturung pendiau bejalaika atur nagang pemindah diteritka agi (pkpd) sereta nadai genturung pendiau dilanjarka timph pkpd di serata sarawak naka hari Enam.
Kelimpah ari nya, Sarawak ngerikodka tiga kluster baru kena hari Enam iya nya Kluster KM19 Jalai Kuching Serian, Kuching, Kluster Nanga Sesamak, Kanowit enggau Kluster Pelut Baram, Telang Usan.
Bisi siti kluster udah punas iya nya Kluster Jalai Seringgok Bau.
Penyampau kluster ke agi aktif di Sarawak iya nya 138.
