MELAKA, 23 Jun: Siku anak mit indu beumur 9 taun udah midang ba sebuah sepital peribit ditu dipelaba kena jamah.
Polis Pelilih Melaka Tengah ACP Christopher Patit madah raban sida nerima ripot bekaul enggau kes nya urung pukul 10.15 pagi tadi, pengudah lutur ke merubat nembiak nya madah tudah udah midang pukul 9.45 pagi.
“Lutur nya sebedau tu nerima siku pesakit anak mit ke udah nadai ngelala orang agi maya dianjung apai ambu ke sepital nya.
“Asil peresa beratika pesakit bisi patah kaki enggau bisi bekau malui ba pala sereta tubuh dipelaba ketegal dijamah,” ku iya nengah sebengkah penerang.-TVS
