KUCHING: Sarawak ngerikodka 3,660 kes baru positif COVID-19 naka hari empat ti nyadika penyampau kumulatif semua kes iya nya 170, 672.
Pelilih Kuching ngerikodka kes pemadu tinggi iya nya 1,541 kes, ditangkan ke Samarahan (268 kes) enggau Sibu (255 kes).
Komiti Mutarka Penusah Ngenyit Nengeri (JPBN) Sarawak madahka, bisi lima kes pemati ketegal COVID-19 diripotka maya hari empat.
Kes pemati nya dirikodka ba Kuching (1 kes), Sibu (2 kes), Mukah (1) enggau Miri (1 kes) lalu nyadika penyampau semua kes pemati di Sarawak iya nya 656.
Ku JPBNS madah, kelima-lima kes pemati nya ngaul pesakit ke bisi penanggul pengerai baka tinggi darah, kemi manis, riman, penyakit lempuang, enggau penyakit tungkul sengayuh.
“Nadai kluster baru diripotka enggau bisi tiga kluster udah punas ti ngaul Kluster Bunga Rampai, Bau, Kluster Jambatan Lemua, Beluru enggau Kluster Senibong, Lundu sepengudah nadai ngerikodka kes baru dalam timpuh 28 hari ke udah.
“Naka ke diatu penyampau kluster ke agi aktif tauka bedau punas di sarawak iya nya 138,” ku JPBNS madah dalam siti penerang maya hari Empat.
Kelimpah ari nya, JPBNS bejalaika Atur Nagang Pemindah Diteritka Agi (PKPD) ba 17 buah genturung pendiau ti ngaul pelilih Lubok Antu, Subis, Julai, Pakan,Meradong, Sarikei, Pusa, Betong enggau Saratok.
“Rh. Kevin, Wong Panjai, Lubok Antu ari 16 nyentuk ke 29 September 2021, Rh. Jilom Anak Engkabang, Sungai Sebatuk, Niah Subis , Rh. Mening Anak Jambil, Sungai Sebatuk, Niah Subis Rh. Gansor Anak Panchen Sungai Sebatuk, Niah Subis ari 16 nyentuk ke 30 September 2021.
“Rh. Sandai, Rantau Nibong, Sengaih Entabai Julau, Rh. Divis, Nanga Bekatan Julau Rh. Barak, Sg. Merurun Julau Rh. James, Ulu Lassi Julau Rh. Remang, Sg. Pundang Pakan Rh. Bala, Ulu Binatang, Bintangor Meradong ari 16 nyentuk ke 29 September 2021.
“Nankan ke nya Rh. Lampun, Sare Sarikei ,Rh. Tuntun Anak Raman, Tanjung Baru, Maludam Pusa Rh. Mandau, Lempaong Betong Rh. Seli, Munggu Tunggal, Debak Betong Rh. Nelson, Ng. Buai Betong Rh. Christopher, Pais Betong Rh. Robert Lin, Kedap ari 17 nyentuk ke 30 September 2021,” ku JPBNS madah agi.
