MIRI: Siku lelaki mati ditimbak sepengudah disangka kera lebuh iya benung ba atas pun kayu ti sepeninggi 32 kaki.
Tudah ke benama Mohamad Hallim beumur 32 taun bebadi nyawa ba endur penusah nya nyadi.
Ku Tuai Polis Pelilih Miri ACP Hakemal Hawari madahka, penusah nya nyadi ba sebuah kebun di kampung Kejapil, Bekenu urung pukul 12 tengahari hari empat.
Seraban polis ari Balai Polis Bekenu enggau Miri udah ngesah ngagai endur penusah nya nyadi sepengudah nerima penerang senetang penusah nya.
Ku Hakemal madah agi, tubuh tudah udah mujur dibai nurun ari atat pun kayu nya urung pukul 4.45 lemai.
“Tasat deka dipejalaika lalu siku saspek lelaki orang tuai umur lebih kurang 70-an deka ditan ngambika mantu tasat bekaul enggau penusah nya.
Ba pengawa nangkap nya, polis udah ngerampas senapang patah enggau 13 igi peluru idup.
Saspek diatu benung ditan ba lokap Balai Polis Miri enggau direman sepngelama empat hari ngambi mantu bejalaika pengawa tasat.
