KUALA LUMUR: Institut Pansik Pengelikun Jalai Alun Malaysia (MIROS) benung bekerejasama enggau Opis Menteri Pengangkut ngelangkar siti pelin baru dikena ngurangka kes bebadi nyawa ke ngaul orang ke mai mutosikal dalam timpuh 10 taun.
Ngambi penerang ari Bernama, Direktor Palan Pansik Ubah Ulah Penguna Jalai Alun MIROS, Azhar Hamzah madahka, bepelasarka pukul rata 20 peratus ari 500 ribu penusah bebadi ba jalai alun ti diripotka tetiap taun ngaul orang ke mai mutosikal.
“Kenyau ari 20 taun ke udah, lebih 60 peratus kes bebadi nyawa ba jalai alun ngaul orang ke mai mutosikal iya nya 45 peratus sida ke beumur 16 nyentuk ke 30 taun,”
Ku Azhar madah, orang ke mai mutosikal ba jalai alun mesti bejalaika tanggungpengawa ke patut enda ngira endur enggau bansa mutosikal ke dibai sida.
Iya nerangka, senentang kes bebadi mutosikal suah nyadi ba jalai besai iya nya 66 peratus ba jalai alun ke lurus, 27.5 peratus bebadi ba selikuh tauka tisi jalai, 28 peratus bebadi ngaul kerita sereta 25 peratus bebadi ngaul sebuah entukar ke bukai.
Iya mansutka jaku nya, lebuh ba dirandau ba program ‘Crash, Boom, Bang #RogerAllianz’ TI DIATUR Allianz General Insurance Company (Malaysia) Bhd (Allianz General).
