KUALA LUMPUR: Perintah deka mansik baru senentang pekara nurunka agi rega Kit Ujian Kediri COVID-19 manggai ujung taun tu ngambika ulih dibeli semua rayat.
Ku Menteri Pekara Wang, Tengku Seri Zafrul Tengku Abdul Aziz madahka, Menteri Pengawa Dagang Dalam Menua Enggau Pekara Bebelika Barang sereta Opis Menteri Pengerai deka beratika pekara nya.
Dikena ngemesaika pengawa nguji tu, Opis Menteri Pengerai udah ngenukuka RTK Antigen sereta ngemendarka sekeda Kit Peresa Kediri COVID-19 ti ulih dibeli ba farmasi di serata menua.
Kelimpah ari nya, ngambika Kit Peresa kediri tu ulih dibeli semua orang, Opis Menteri Pengawa Dagang Dalam Nengeri enggau Pekara bebelika barang sereta Opis Menteri pengerai deka netapka rega kit peresa nya ba baruh RM20.
Ku iya nambah agi, rega siling runcit ungkup Kit Ujian Pantas Antigen COVID-19 tu dijual enggau rega RM19.90 ungkup tetiap set lalu RM16.00 ungkup set borong ti berengkah dipejalaikan kena 5 hari bulan semilan.
