Sarawak kena hari dua ngerikodka 3,200 kes baru COVID-19 enggau tujuh kes pemati ke alai enam pesakit ngembuan penyakit raya enggau siku pesakit Orang Timpang Pendiau (OKU).
Kes di pelilih Kuching dipeda nurun enggau 805 kes enti dibanding enggau kes sebedau tu, ti ngerikodka lebih 1,000 kes tiga hari bejurut.
Tu nyadika penyampau semua kes positif COVID-19 di Sarawak nambah ngagai 137,812.
Ku Komiti Mutarka Penusah Ngenyit Nengeri Sarawak (JPBNS) Kuching mengkang ngerikodka kes pemadu tinggi iya nya 805 kes, ditangkanka Serian 630 Kes, Sibu (271) Bintulu (211) Samarahan (126) Belaga (123) Betong (119) Saratok (112) Tebedu (94) Tatau (93) Pusa (80) Miri (63) Pakan (57) Selangau (41) Lubok Antu (38) Kapit (36) Song (34) Bau (33) Asajaya (32) Limbang (31) Mukah enggau Subis Bela (27) Sarikei (26) Simunjan (20) Sri Aman (14) Beluru Enggau Sebauh Bela (13) Kanowit (7) Meradong (6) Lundu enggau Matu bela (4) Julau, Kabong, Lawas enggau Bukit Mabong bela (4) Tanjung Manis enggau Dalat bela (1).
Nangkanka nya, bisi 1,626 kes udah gerai enggau dikemendarka pansut ari sepital ti nyadika penyampau semua ke udah gerai nambah ngagai 103, 957 iku tauka 75.43 peratus.
JPBNS mega ngenukuka lima kluster baru iya nya Kluster Pinang Jawa Kuching, Kluster Sungai Setulai Sebauh, Kluster Bukit Barun Tatau, Kluster Beruru Pakan enggau Kluster Sungai Tangap Subis.
Nadai sebarang kluster ti udah punas dirikodka kena hari dua.
Tu nyadika penyampau kluster aktif di sarawak iya nya 144 iti.
