KUALA LUMPUR, 28 Mac : Speaker Dewan Rakyat Tan Sri Johari Abdul ngenataika penyinu ati enggau solidariti ngagai rayat Myanmar enggau Thailand ke tebunsa ketegal tanah berenyang pemalat magnitud 7.7 nuntung menua Sagaing, Myanmar tengah hari tadi.
Nengah sebengkah penerang sehari tu tadi, iya ngenataika penyinu ati nuju ruang bilik tudah ke bebadi nyawa enggau ngarapka sida ti bakal jampat suman.
“Ba maya tusah ke baka tu, kami di Malaysia meri peransang ngagai rayat Myanmar enggau Thailand sereta sida ke tebunsa. Aku besampi ngambika sida diberi pengering enggau pengeliat ati napi penusah tu,” ku iya.
Ripot menua madahka tanah berenyang nuntung Myanmar kena pukul 12.50 tengah hari (jam lokal) nya ngujungka tanah berenyang bela diasaika ba Thailand nyengkaum ba mengeri besai, Bangkok.
Naka tu, siku diripotka bebadi nyawa ditangkan 50 iku agi bakal ba Bangkok pengudah sebuah begunan tinggi runtuh ketegal tanah berenyang nya.
Johari mega ngarapka pengawa mantu enggau ngesah sida ke tasah terus dikemujur.
Iya mega nyemetak madahka beguna amat solidariti ASEAN dalam napi penusah baka tu lalu nadai menua dalam gempung nya diteju napi penusah kediri.-TVS
