PUTRAJAYA: Mensia mayuh dipinta besabar enti sema deka meraka nengeri laban sekeda nengeri agi bedau nyapai tagit betuchuk vaksin ti penuh.
Taja pia, mensia mayuh, nyengkaum orang bujang, agi bisi peluang meraka nengeri.
Menteri Pengerai Khairy Jamaluddin madahka sida udah berunding enggau Tuai Direktor Pengerai Tan Sri Dr Noor Hisham Abdullah lalu standard atur pengawa (SOP) deka dipejurai enggau Majlis Pengelikun Menua (MKN).
“Kitai deka mai pekara tu ngagai MKN enda lama lagi. Bisi peluang (meraka nengeri) tang aku minta kita besabar dulu. Semua udah bisi SOP laban kami nemu enti sema kami meri pemendar meraka nengeri, tu deka mai penusah dudi hari,” ku iya.
Khairy mega madah sekeda SOP ti baru deka dipadahka dalam timpuh ti semak nyengkaum ngemendarka operasi panggung wayang lalu muka ia ngagai individu ke udah tembu dituchuk enggau dua dos vaksin.
Titihka TVS ba Telegram, Facebook, Twitter, Instagram, TikTok enggau YouTube.
