KUCHING: Sarawak ngerikodka 2,464 kes positif baru COVID-19 enggau tujuh pemati kena saritu.
Tu ngujungka penyampau semua kes positif COVID-19 ba nengeri tu nambah ngagai 124,428 kes.
Pelilih Kuching agi mengkang ngerikodka kes baru positif COVID-19 ti pemadu tinggi ia nya 696.
Ku Komiti Mutarka Penusah Ngenyit Nengeri (JPBN) Sarawak, Pelilih Sibu bisi 309 kes, Serian 229, Samarahan 168, Subis 155, Lundu 142, Bau 120, Sri Aman 112, Bintulu 104, Miri 68, Simunjan 66, Asajaya 57, Lubok Antu enggau Betong bela 31, Selangau 26, Tatau 25, Kapit 23, Mukah 22, Tebedu 20, Dalat 19, Song 8, Limbang 7, Beluru 6, Lawas enggau Kanowit bela 5, Marudi 4, Bukit Mabon engau Matu bela 2, sereta Pusa enggau Limbang bela seiti.
Ari penyampau 2,464 kes positif baru sehari tu, bisi 1,948 tauka 79.06 peratus kes Kategori 1, 504 tauka 20.45 peratus kes Kategori 2, dua tauka 0.08 peratus Kategori 3, empat tauka 0.16 peratus kes Kategori 4, enggau enam tauka 0.24 peratus kes Kategori 5.
Kelimpah ari nya, bisi 2,918 kes baru ke udah gerai sereta dikemendarka pansut ari sepital kena Hari Lima.
Tu nambah penyampau semua kes positif COVID-19 ke udah gerai ngagai 96,039 iku.
Nangkanka nya, bisi tiga kluster baru udah ditukuka JPBNS, ia nya Kluster Sawit Gelasah di Subis, Kluster Nanga Tapih di Betong enggau Kluster Jalai Mahsuri di Sibu.
Dua kluster udah diketuka ia nya Kluster Bedup Longgo di Serian enggau Kluster Jalai Merbau di Kuching ketegal nadai kes diripotka dalam timpuh 28 hari ti udah, tang bisi 138 kluster mengkang aktif tauka bedau diketuka di Sarawak.
Titihka TVS ba Telegram, Facebook, Twitter, Instagram, TikTok enggau Youtube.
