PAHANG, 1 September: Bangkai siku Soldadu Darat Malaysia (TDM) iya nya niang Lans Koperal Mohamad Azrin bin Mohamad Isa ti dipelabaka lemas sereta lenyau maya bejalaika pengawa latih nyemerai Sungai Pahang kena 29 hari bulan lapan 2021 maya pukul 4.40 lemai udah ditemu sehari tu.
Tubuh tudah ditemu sehari tu (hari tiga) urung pukul 8.15 pagi ti ngembuan penyauh 70 kilometer ari endur penusah nya ke nyadi.
Nitihka penerang ti dikeluarka Sel Perhubungan Raya Tentera Darat madahka, TDM nerima ripot senentang tubuh niang ditemu peranak ti mendam ba Kampung Serengkam, Maran, Pahang.
TDM meri besai terima kasih ngagai Opis Bomba enggau Penyelamat Malaysia (JBPM) Zon 2 Pahang, Polis Diraja Malaysia (PDRM), Raban Pengetan Pengelikun Periman Malaysia (APM), peranak ke diau besemak endur nya enggau ejensi ti bekaul ti udah mantu bejalaika pengawa ngiga enggau nyelamat ti berengkah kena 29 hari bulan lapan ke udah.
Nangkan ke nya, pengerembai senentang pengawa ngatur tubuh tudah deka dipadahka ba sebarang maya udah tu.
TDM minta kerejasama mensia mayuh ngambika enda mantai tauka bekunsika gambar tudah laban dikena bebasa sida sebilik.
Titihka TVS ba Telegram, Facebook, Twitter, Instagram, TikTok enggau YouTube.
