PHNOM PENH, (Kemboja) 7 Dis: Premier Sarawak ke mega Presiden RISEAP Datuk Patinggi Tan Sri Abang Johari Tun Openg malam tadi bisi ngulu Pengerami Makai Lemai Nyerumba
Gerempuru Besai Kaunsil Pengerembai Pengarap Islamiah Serantau Asia Tenggara Enggau Pasifik (RISEAP) Ke-20.
Achara besai nya diatur ba sebuah hotel tebilang ba Kemboja seraya ngempuruka raban tuai Islam ari mayuh menua di rantau Asia Tenggara enggau Pasifik.
Kaunsil nya betujur negapka agi kaul sereta kerejasama antara menua ke nyadi kaban enggau ngemansangka agenda pengarap Islamiah ungkup pengelantang sida ke megai pengarap nya.
Kaunsil nya mega dirichahka enggau pengawa mandangka budaya asal komuniti Kemboja, seraya mandangka pesaka lokal ngagai deligit menua luar.
RISEP ditumbuhka ba taun 1980, bejalaika tanggungpengawa nyadi pantar ke ke pemadu beguna dikena negapka kaul raban Islam ba Asia Tenggara enggau Pasifik.
Achara nya ukai semina ngerami pemujur RISEAP tang mega mandangka komitmen Sarawak dalam nyukung agenda penyerakup enggau pemansang raban Islam ba renggat antarabansa.-TVS
