Search
Close this search box.
Search
Close this search box.
Sapit Menteri Besai, Datuk Seri Fadillah Yusof. -Foto: Galeri TVS

Fadillah meransang raban industri patut chakah agi negapka bidang TVET

PUTRAJAYA, 14 Nov: Sapit Menteri Besai, Datuk Seri Fadillah Yusof minta semua raban industri lebih chakah agi ngaul diri sereta bekerjasama enggau perintah dalam negapka agenda Pelajar Sereta Latih Teknikal Enggau Vokasional (TVET).

Iya mega madahka, kerejasama raban industri enggau institusyen TVET ti tegap beguna amat dikena nentuka pengengkeman dalam nyendiaka peluang gawa tauka peminta guna raban pengereja pengawa ti digaga sechara komprehensif.

“Input ari raban industri ti konsisten ke nangkup aspek kuantiti enggau kualiti pengereja pengawa ke deka diguna endang beguna sereta kritikal.”

“Input ke betul tu, lalu ditangkan ke enggau pemansang kurikulum sereta pejalai program ti engkeman ari institusyen TVET.”

Kelimpah ari nya, Fadillah mega minta ejensi TVET ngambika ngatur lebih mayuh pekit pengelandik ba renggat institusyen diri empu.

Iya nerangka, atur pengawa nya beguna dikena ngadaka lebih mayuh bakat ti ulih ngarika menua ngagai renggat antarabansa.

“Pekit pengelandik iya nya aktiviti ti beguna ke nyukung pengawa negapka TVET , ke sebagi ari langkah rapat deka ngelakuka bidang TVET sereta nentuka kualiti pengawa meri latih ti seriran enggau standard ba renggat antarabansa.

“Pekit pengelandik iya nya siti ari inisiatif perintah dikena ngangkatka kualiti ekosistem TVET menua sechara penuh bepelasarka standar kereja industri antarabansa iya nya ‘WorldSkills Occupational Standard (WSOS)’,” ku iya.

Iya madah munyi nya Rambau Pengerami Anugerah Jari Emas Menteri Besai (MATEPM) enggau Anugerah Tukuh Landik 2024, diatur ditu kemari.

Pengerami nya bisi digulu Menteri Pengereja Pengawa, Steven Sim enggau bukai.

Tandu Fadillah, kerejasama rat entara raban industri enggau perintah mega bisi daya pengulih nentuka institusyen TVET nyendiaka program ti lebih bekualiti sereta relevan enggau peminta guna makit kereja.-TVS

TVS provides up-to-date news, captivating dramas, and diverse programmes on channel 122 MYTV, Unifi TV and Astro. Stream TVS live now on the MYTV Mana-Mana, Unifi TV and ASTRO GO apps.

Follow us on social media:
Facebook: @tvsarawak , @tvs122

Instagram: @tvsarawak, @TVS_Entertainment

Telegram: @tvsarawak

TikTok: @tvsarawak, @tvs_entertainment

X: @tvsarawak

YouTube: @tvsarawak, @TVSEntertainment

WhatsApp: TVS

 

Berita Berkaitan