Penegap penyerakup pupu bansa kunchi pemujur Sarawak- Abang Johari

KUALA LUMPUR, 20 Okt: Pemujur ke dijapai Sarawak sehari tu asil ari penegap penyerakup rayat  pupu bansa di wilayah tu.

Premier Sarawak, Datuk Patinggi Tan Sri Abang Johari Tun Openg madahka, pemaik enggau pengelantang ke ditempa tu mega nyadi chunto ngagai nengeri bukai di Malaysia.

“Tok Nan kala madah, enda ngira bansa, Cina, Melayu, Bidayuh tauka Ulu, kitai ngagi kedai kopi ngirup ba mija sama. Kitai makai ba mija sama, nadai bida.

“Tu meh budaya kitai. Tu meh penyerakup ti dikembuan kitai. Enti kitai meri perati ngagai Sarawak sereta ngangkatka Sarawak, udah tentu nadai penanggul ila,” ku iya.

Ku Abang Johari madah, sarawak ulih nyapai mayuh agi pemujur ti bepelasarka penyerakup ke tegap. dalam komuniti.

Abang Johari nerangka , penegap penyerakup ti dikembuan anak Sarawak nyadi siti ari kunchi ngagai pemujur ngulihka hak sida ti enda dipejalaika ngelamatu.

Tandu iya,  anak Sarawak mega mantu ngemujurka tetiap perambu dikena negapka sereta nyungkak ekonomi di wilayah tu.

“Terima kasih ngagai Perintah Besai ti meri ngagai Sarawak,  reti iya, semua penyangkai kapal Sarawak diempu anak Sarawak. Nyadi tentu sida bisi nanya, kemaya deka ngaga kompeni bilun? Kitai deka nentuka ujung taun tu, dalam dua bulan agi. Anak Sarawak ulih pulai ari semenanjung, tu beduduk ari kitai udah bisi palan UNESCO, iya nya Mulu enggau Niah ti pemadu baru.

“Tu nyadi ketegal penyerakup, lalu kitai mega begunaka pengereja pengawa , tentu anak ba IPT kelebih agi di Malaysia enggau di luar. Malaysia patut ngembuan potensyel ti manah bekaul enggau ekonomi baru Sarawak lalu tu ulih meri penyulut ngagai Sarawak,” ku iya.

Iya madah munyi nya rambau Pengerami Makai Lemai beserimbai enggau Lan Berambeh Anak Sarawak ke-15 ditu malam tadi.

Pengerami nya mega digulu Tuai Pemegai Menua Nengeri Sarawak, Tun Pehin Sri Dr Wan Junaidi Tuanku Jaafar enggau bini iya, Toh Puan Datuk Patinggi Fauziah Mohd Sanusi.

Bisi kurang lebih 3,000 iku siswa Sarawak ti belajar ba  universiti di Semenanjung Malaysia enggau rayat Sarawak ke mendam ba Semenanjung ngulu pengerami nya dirichahka enggau pengawa belagu sereta mandangka main asal ari artis lokal.-TVS