KUALA LUMPUR, 19 Okt: Menteri Besai Datuk Seri Anwar Ibrahim madahka Perintah Besai udah ngungkupka penyampau RM5.9 bilion ngagai Sarawak dalam bajet 2025 iya nya penambah penyampau RM0.1 bilion enti dibanding agih bajet taun siti tu tadi.
Ku Anwar madah, Sarawak enggau Sabah nerima turu ke lebih tinggi sereta terus dikenuluka dibanding negeri bukai laban seraka pemansang entara nengeri mesti dirapitka, tebal agi perengkaguna pemun baka jalai, bekal karan enggau ai beresi.
“Pengawa Meri Agih Khas Sarawak enda kala dipansik kenyau 1969. Ba baruh Perintah MADANI, taun tu kitai deka nambahka taka ngagai RM300 juta enti dibanding RM16 juta (Sarawak) enggau RM125.6 juta (Sabah).
“Berengkah 2025, perintah merambu deka nambahka Pengawa Meri Agih Khas Sarawak enggau Sabah sekali lipat agi ngagai RM600 juta,” ku iya.
Nengeri Sabah nerima turu RM6.7 bilion enti dibanding taun siti tu tadi iya nya RM6.6 bilion.
Iya bejaku munyi nya rambau mantaika Bajet 2025 di Dewan Rayat Hari Lima tu tadi.-TVS
