SARATOK, 17 Ogos: Urung 2,000 pengani ari semilan buah rumah panjai di sitak Mujok, Julau deka ngasaika perengkaguna jalai raya ke lebih menyana enda lama agi.
Kaban Kunsil Nengeri (ADUN) Meluan Rolland Duat Jubin madah, beduduk ari nya iya meri terima kasih ngagai Premier Sarawak Datuk Patinggi Tan Sri Abang Johari Tun Openg laban udah ngemendarka agih belanja spepenyampau RM85 juta dikena ngaga jalai sepanjai 13 kilometer nya.
“Projek tu beungkus RM85 juta dipelanja Perintah Nengeri Sarawak.
“Nyadi aku laban ke nyadi pengari rayat meri terima kasih besai ngagai Perintah Nengeri lebih agi Premier Sarawak (Datuk Patinggi Tan Sri Abang Johari Tun Openg) laban udah ngemendarka agih belanja tu dikena mutarka penanggul rayat lebih agi ba sitak menua pesisir,” ku iya.
Iya mansutka jaku nya ngagai TVS pengudah ngulu Pengawa Bejadika Taman Botani Mini Rumah Panjai Slyvia Gupie Mersat Di Meruji Kabo, kemari.
Ku iya, penembu projek jalai raya nya ila deka ngemandakka agi timpuh pejalai mensia mayuh ti deka undur ke Pasar Julau.
Tandu iya, pengawa nasih tanah ungkup projek ngaga jalai nya deka diatur ba Rumah Panjai pemacha Robert kena 23 Ogos tu.-TVS
