PUTRAJAYA, 30 Julai: Premier Sarawak, Datuk Patinggi Tan Sri Abang Johari Tun Openg sehari tu udah nerima Anugerah Kepimpinan Teknologi ari Lembaga Teknologis Malaysia (MBOT).
Pengawa bepilih nya bepelasarka pemanah iring Abang Johari ti meransang Sarawak mansik ekonomi gadung enggau kuasa ulih dikemaru.
Anugerah nya disuaka Menteri Sains, Teknologi enggau Inovasyen (MOSTI), Chang Lih Kang beserimbai enggau Pengerami Rentayan raban tebangkar dalam Teknologi, Inovasyen enggau Achara Koperasi (MBOT ENTICE 2024) ditu, sehari tu tadi.
Sama bisi nyempulang Abang Johari, Sapit Premier Sarawak, Datuk Amar Douglas Uggah Embas, Sapit Menteri ba Opis Menteri Besai Sarawak (Unit Pekara Korporat, Pemadah enggau Unit Komunikasyen Perintah Sarawak) Datuk Abdullah Saidol sereta Sekretari Perintah Sarawak Datuk Amar Mohamad Abu Bakar Marzuki. -TVS
