BINTULU, Julai 17: Kes penusah jalai alun ti nyadi ba jalai Bintulu-Tatau ngaul 11 buah perengka pengangkut.
Ku Tuai Balai Bomba enggau penyelamat Bintulu, Christus Buson madahka, raban bomba udah nerima kangau urung pukul 10:53 pagi kena hari enam ti madahka penusah jalai alun ke nyadi nya.
“Raban bomba udah nerima kangau telefon ti madahka kes penusah jalai alun ti ngaul 11 kerita ba jalai Bintulu-Tatau. Empat iku raban udah dikerah ngagai endur penusah nya nyad,” ku iya madah lebuh dirandau pengarang berita TVS.
“Nadai pengawa nyelamat dipejalaika ketegal semua ti bebadi nya udah dibantu mensia mayuh ke bisi dia. Kesemua sida udah dianjung ngagai KKM ngambika diperesa.
Ku Christus madah, operasyen nyelamat udah diketuka urung pukul 12.24 tengahari sepengudah semua ke bekaul enggau penusah nya diselamatka.
Entara ejensi ti bisi ngesah penusah nya iya nya raban bomba, polis enggau rela sereta dua buah ambulan.
Nangkanka nya, nadai orang bebadi nyawa tauka tepekul ba penusah nya.
