KUALA LUMPUR, 13 Julai: Malaysia ngerikodka penyampau kes COVID-19 sehari ti pemadu tinggi sehari tu pengudah iya negeripotka 11,079 kes.
Tu keterubah iya menua Malaysia mandangka penyampau kes COVID-19 dalam 24 jam ti ngelui 10,000 kes.
Tuai Direktor Pengerai, Tan Sri Dr Noor Hisham, madah, ari penyampau nya, Selangor ngerikodka kes baru ti pemadu tinggi, iya nya 5,263 kes.
Tu ditangkanka Kuala Lumpur ti bisi 1,521 kes, Negeri Sembilan 1,033 kes, Kedah 497 kes, Sarawak 472 kes, Johor 406 kes, Perak 329 kes, Melaka 323 kes, Pahang 321 kes, Sabah 239 kes, Pulau Pinang 234 kes, enggau Kelantan 211 kes.TR
Terengganu ngerikodka 93 kes, Labuan 60 kes, enggau Putrajaya 77 kes. Semina Perlis aja nadai ngerikodka kes baru.
Dr Noor Hisham meri penerang nya dalam laman Facebook iya sehari tu tadi.
