KUCHING, 12 Julai: Juluk ati England pengelama 55 taun nyadi ampa.
Itali champion EURO 2020 ngalahka England 3-2 dalam penalti ba renggat final di Stadium Wembley tumu pagi tadi.
Sebedau nya, kedua-dua tim seri 1 sama pengelama 90 minit main di padang enggau jam ditambah 30 minit.
England ba minit kedua bulih gol keterubah ari Luke Shaw tang ba tengan masa kedua Itali mujur bulih gol nyentuk kedua-dua tim seri 1-1 ba minit ke- 67 ari gol Leonardo Bonucci.
Pemujur gol ari Itali nya sekali agi ngasaka ati England ti udah nganti pengelama 55 taun deka menang bulih gelar champion EURO.
