KUCHING, 5 Julai: Raban Operasyen Jelu Siga (SWAT) Sarawak Forestry Corporation (SFC) mujur nangkap siku baya ti dikumbai ‘Bujang Satok’ di tebing sungai Sarawak.
Jurujaku SFC madah, baya nya ditangkap ba operasyen ti dipejalaika SWAT SFC pagi tadi.
“Baya ti dikumbai ‘Bujang Satok’ nya udah tama dalam perangkap ti dipasang kenyau 5 hari ti udah lebuh SFC nerima ripot sentang baya nya bisi ayan ba endur nya” dalam siti penerang lebuh Hari Satu.
Ku iya madah, dianggarka baya nya pemesai 11 kaki lalu udah dianjung ngagai Jong’s Crocodile Farm ngambi ulih bejalaika atur ke patut.
Tuai Pemesai Eksekutif Sfc Zolkipli Mohamad Aton enggau sapit iya Abang Arabi Abang Aimran bejalaika operasyen nya.
Penerang ke silik, mensia mayuh tau ngaga ripot enti bisi meda baya tauka jelu siga ke bukai ngagai SFC Kuching ba lumur (019-8859996), Sibu (019-8883561), Bintulu (019-8332737) enggau Miri (019-8290994).
