Op Patuh: Tikas Pengasi SOP Di Lubok Antu Manah

KUCHING, 4 JULAI: Polis Diraja Malaysia (PDRM) di Lubok Antu udah bejalaika operasyen “Op Patuh” ngelingi pasar Lubok Antu.
Operasyen tu dipejalai dikena nentuka premis, pedagang nyengkaum mensia mayuh ngasika standard atur pengawa (SOP) sepemanjai timpuh Atur Nagang Pemindah (PKP) dititihka .
Nitihka Tuai Polis Pelilih Lubok Antu, Dsp Adbul Samat Bin Amit madah, operasyen tu mungkur 18 iku raban ari mayuh bengkah ejensi penerit adat  baka pdrm, pemesai,  rela , pemesai  opis peliliih menua Lubok Antu, enggau pengereja pengawa pengerai Lubok Antu.
“Tikas pengasi SOP premis kedai, pedagang enggau mensia mayuh chukup manah sepemanjai operasyen dipejalaika”ku iya.
Ba operasyen Op Patuh ti dipejalaika, ku iya madah nadai kompaun dikeluarka naka ke diatu.
Tu ngayanka peranak meretika atur sop dalam nagang pengekai Covid-19.
“Pengawa ngempang jalai di KM1 pasar Lubok Antu mega diperesa ke alai, orang luar mesti bisi permit tama ke Lubok Antu.” ku iya.
Bisi 123 buah perengka pengangkut enggau 154 iku diperesa sepemanjai ba operasyen ngempang jalai di Lubok Antu.