DEBAK, 2 Feb: Projek nyambung tali karan ba Rumah Panjai Munggu Tunggal ditu udah meri pengelantang ngagai pengani ba rumah panjai nya.
Tuai Rumah Seli Ali ngarika sida serumah meri terima kasih ngagai pengari rayat sereta perintah nengeri laban udah nyendiaka belanja dikena ngangkatka pemansang enggau pengelantang ba rumah panjai sida.
“Bekunsika projek (rumah panjai) kami di Munggu Tunggal tu tadi, kami serumah 348 iku diperati nadai tinggal pemansang ba N.35 Saribas ditu.
“Semua udah bisi magang baka bantu jalai, karan enggau jalai kebun.
“Nya alai, aku meri besai ngagai Datuk Mohd Razi Sitam (ADUN Saribas) laban udah mai pemansang ngagai rumah panjai kami,” ku ya.
Iya madah munyi nya sepengudah nerima penemuai seraya gawa ADUN Saribas Mohd Razi Sitam seraya nyerahka taba projek baru ngagai pengani Rumah Panjai Munggu Tunggal ditu, empaoi lama.
Naka tu, bisi bisi tiga Projek Transformasyen Menua Pesisir (RTP) udah mujur dipejalaika ba Rumah Panjai Munggu Tunggal kenyau ari taun 2022.
Siti ari projek nya, baka ngaga baru Pelaman Kejat ke beungkus RM100,000.-TVS
