SARATOK, 22 Dis: Mensia mayuh lebih agi raban Kristian ke bela mulaika diri ngagai menua nyerumba kemisi pengerami Krismas dilalau seruran ngemeratka pengelikun diri.
Sapit Menteri Pemansang Orang Indu, Anak Mit enggau Komuniti Sarawak Datuk Mohd Razi Sitam madah, tambah mega diatu endang musin kemisi sekula nyadi mesti bejimat maya deriba laban jalai raya endang dedat enggau perengka pengangkut.
“Baka selama kitai ba nengeri sarawak ke ngembuan pupu bansa sereta nyambut mayuh macham pengerami ukai semina siti bansa aja nyambut pengerami nya (Krismas) pulai ke menua.
“Nyadi jalai alun deka dedat enggau mensia mayuh ke beambi ulih ari kemisi Hari Krismas.
“Aku ngelalau anang enda bejejimat ba sepemanjai timpuh pengerami tu (Krismas),” ku iya.
Iya ke mega Kaban Kunsil Nengeri Saribas mansutka jaku pesan Krismas nya ba sebengkah pengerami ke diatur Kolej Pom Enam Saratok ba Diwan Sri Krian ditu, empai lama.
Nangkan ke nya, Razi mega bisi meri pesan hari Krismas nuju semua bala bakih enggau anak Sarawak ti deka ngintu pengerami Krismas kena 25 Disember tu enggau taun baru 2024.
“Sama mih kitai nyaga pengelikun komuniti kitai lalu enggau peluang tu mega aku deka meri Selamat hari Krismas ngagai bala bakih seretaa anak Sarawak ti deka ngintu Hari Krismas enggau taun baru,” ku iya.-TVS
