PERINTAH mutuska deka muka kaunter servis ngena chara fizikal berengkah 1 hari bulan tujuh tu nitihka Standard Atur Pengawa (SOP) ke udah ditetapka.
Tuai Sekretari Menua, Tan Sri Mohd Zuki Ali madahka, kaunter ke dikemendarka dibuka nengah chara fizikal nya semina ungkup servis ti enda ulih digaga nengah tali arus.
Ku iya madah, tu nyengkaum kapasiti orang ke gawa ba kaunter ti enda lebih ari 50 peratus penatai pekereja lalu penatai ngena chara fizikal semina
“Sepengudah belematika peminta rayat senentang muka kaunter servis perintah, nya alai perintah udah mutuska muka kaunter servis perintah nengah chara fizikal tu ba serata menua berengkah 1 haribulan tujuh tu,” ku Tan Sri Mohd Zuki Ali , Tuai Sekretari Menua ba siti penerang nengah lama Facebook sehari tu.
Iya madahka, tuai opis mesti nentuka semua SOP covid-19 dipansutka Kunsil Pengelikun Menua (MKN) enggau opis menteri pengerai (KKM) dititihka belama.
Nangkanka nya, tu dikena nyemelaka entara meri servis ke manah ngagai rayat sereta negang pengekai igi penyakit COVID-19.
