SARATOK, 5 Nov: Program Agricorp Begulai enggau Wai FM Datai Nemuai ke Saratok 2023 diatur ba Rumah Suyah Mendas Asal Saratok bejalai enggau lanchar.
Kaban Kunsil Nengeri (ADUN) Krian Friday Belik, ngarapka mensia mayuh ke bisi datai ngulu program dua hari berunggu (3-4 November 2023) nya bela bulih penerang ke beguna baka nambahka pengelandik diri dikena nyungkak penatai diri empu enggau ruang bilik.
“Aku arap ke semua licha, penemu ke udah dikunsi nya tadi enggau bala kitai nyadi ke lalau nyadi ke tengau dikena kitai nambah ke agi penemu, pengelandik ungkup pengawa betanam betupi tauka pengawa bukai,” ku iya.
Iya bejaku munyi nya lebuh bejadi lalu nutup Program Agricorp Wai FM Datai Nemuai Ke Saratok ba Rumah Suyah Mendas Asal, kemari.
Ku tandu Friday madah, ari program ke manah baka nya ngarapa rayat menua pesisir udah nemu pasal bantu enggau tulung kebisi disediaka perintah.
“Ari utai ke dipadah ari utai ke diajar sida iya dia kitai bulih penemu baru ukai semina penemu baru tang kitai tadi diberi sida iya penerang ni jalai tiap-tiap iti ejensi perintah.
“Nya tadi ulih nulung ulih mantu kitai ke ba rumah panjai lebih agi ba menua pesisir kena kitai ngemaju ngemansang ke diri lebih agi ba pengawa ti nyungkak agi ekonomi.
“Arapka kitai ba rumah panjai ulih ngena penemu baru enggau runding ke baru baka ke udah diterang dua hari tu,” ku iya.-TVS
