SARATOK, 26 Okt: Kaban Kunsil Nengeri (ADUN) Krian Friday Belik madah peminta ngaga diwan mayuh guna ba Sekula Primari (SK) Sungai Klampai deka diperunding nganti udah beratika langkar tempa tukuh ari surat peminta ke deka dianjung sekula nya empu.
“Kitai deka meda dulu tempa tukuh (Projek Diwan Sekula) nya.
“Enti udah nerima surat peminta ari raban sekula baru kitai deka berandau enggau ejensi teknikal baka JKR lalu beratika pelin enggau taba projek,” ku iya.
Friday mansutka pekara nya maya dirandau media pengudah bejadika Program Akademik One Step Beyond seraya bejadika Kelab Pecinta Alam Sekitar (PALS) diatur Sekula Primari (SK) Sungai Klampai, pagi tadi.
Udah nya, Friday madah diri deka berandau enggau raban JKR udah ngambi ulih ngemujurka peminta nya.
“Enti utai nya (projek) baru kitai tepasa minta pemendar ari opis menteri (KPM) semadi mih iya tadi semina ngemanah baru (pengawa) ulih jampat agi ulih teputar,” ku iya.
Sama bisi nyempulang pejalai Friday ngelawa sekula nya Kepala Pengajar SK Sungai Klampai Fitri Ramzee Ramlee, Sapit Pegawai Opis Pelajar Pelilih Sektor Perambu PPD Saratok Alhias Muhi enggau ke bukai.-TVS
