PUTRAJAYA, 5 Okt: Pengerekai penyakit X ulih nyadi ari bemacham chara nyengkaum nengah zoonotik iya nya kena rampit ari jelu ngagai mensia, ku Tuai Direktor Opis Pengerai Datuk Dr Muhammad Radzi Abu Hassan.
Dikena nerangka penyakit X ti benung dipesebutka mensia mayuh diatu, iya madah taja pendiau penyakit X agi bedau dikelala enggau jam iya nyadi, tang raban pakar pengerai udah mupuk irau ke empas penyakit nya.
Iya madah takat pengerekai penyakit X deka majak nyadi seriris enggau pemayuh kaul manusia sereta jelu diumba enggau pemindah mensia ngilah adan menua diatu ke chukup mudah.
“Dibanding enggau COVID-19 ti kurang ngujungka pemati, penyakit X dipelaba deka mudah ngerekai baka penyakit tampuk buah (campak) enggau nyangka ngeruga ngawa baka Ebola,” ku iya nengah sebengkah penerang dipansutka sehari tu.
Penyakit X kebendar siti nama ke ditempa Serakup Pengerai Dunya (WHO) taun 2018 ungkup sebansa patogen ke bedau dikelala, lalu bisi penau ngerekai ngagai serata dunya.
Dr Muhammad Radzi madah, penyikap napi penyakit X, pelin pandemik ke mungkur semua pekara, bungkur kimpin vaksinasyen enggau penyikap agih belanja khas pandemik chukup beguna baka ke udah digerah WHO.
“Atur ‘One Health’ ti ngemeratka kaul antara mensia, jelu enggau pengerai rampa menua iya nya komponen ke chukup beguna dikena ngedut kerejasama antara bemacham disiplin,” ku iya bela dikemerat iya nya pengawa nyaga pengerai siku-siku orang mungkur daya idup pengerai ke nyadi penegap penyikap dikena napi penyakit X.
Opis Menteri Pengerai Malaysia (KKM) mega seruan besikap enggau bejimat nyema penyakit X ayan bepalasarka peneleba suba enggau mutar penyakit baka COVID-19, virus Nipah, SARS, enggau MERS-CoV ditangkan sistem pengerai menua mega seruran ngenetapka penyikap nai sebarang keruga pengerai, ku iya.
“Taja penyakit X dipelaba nyadi lalu patut diberi perati, tang pengirau ati ti bangat kelalu patut diseliah. Mensia mayuh seruran dilalau terus nitihka garis lalau pengerai, ngemeranka daya idup ke bepengerai enggau seruran bulih penerang ke pemadu baru bekaul enggau penyakit tu,” ku iya. – TVS
