Sarawak ngerikodka 569 kes positif baru COVID-19 enggau lima kes pemati maya hari enam.
Tu nyadika penyampau semua kes positif COVID-19 di Sarawak nambah ngagai 59,139 kes.
Ku Komiti Mutarka Penusah Ngenyit Nengeri Sarawak (JPBNS) madah, 371 iku tauka 63.44 peratus ari kes nya diripotka di pelilih menua Sibu, Sarikei, Kuching, Bintulu enggau Kapit
Nangkanka nya, JPBNS madahka, pelilih menua Sibu ngerikodka kes ti pemadu tinggi iya nya 131 kes, ditangkanka ditangkanka enggau Sarikei 83 kes, Kuching 74 kes, Bintulu 47 kes, enggau Kapit 26 kes.
Ari 569 kes baru ti diripotka nya, 38 iku bisi ngayanka kelai kena rampit igi penyakit COVID-19 lebuh beperesa pengerai.
Entudi ke nya, bisi 550 kes baru udah gerai enggau dikemendarka pansut ari sepital naka hari enam.
Tu nyadika penyampau semua kes positif COVID-19 ke udah gerai enggau dikemendarka pansut ari sepital nambah ngagai 48,682 iku.
Penyampau kes ke agi diperubat enggau diengkah ba PKRC enggau wad sepital iya nya 9,717 iku.
Kelimpah ari nya, tiga kluster baru ditukuka iya nya Kluster Mongkos 2 di Tebedu, Kluster Tebakang Dayak di Serian enggau Kluster Sungai Banun di Meradong.
Nangkanka nya, bisi siti kluster udah punas iya nya Kluster Nanga Tajam, Selangau lalu tu nyadika bisi 95 kluster agi bedau punas di Sarawak.
