GEORGE TOWN, 15 Sept: Kompeni Teknologi Pemadah (IT) enggau komputer pemadu besai ba Malaysia, PC IMAGE nyendiaka promosyen manah ngagai perayat Pulau Pinang enggau Perak beserimbai enggau pengawa muka pampang baru kompeni tu ba kededua nengeri nya.
Pengari PC IMAGE, Mohd Shahrul Sazali madah, perayat di utara Semenanjung diperansang anang muai peluang ngelawa PC IMAGE di Ipoh Parade, Perak enggau di ICT Mall@KOMTAR di Pulau Mutiara ngambika ulih ngasaika promosyen manah disediaka kena pagila enggau Hari Minggu tu.
Ku iya, penguna mega bepeluang milih barang IT enggau rega pemadu murah 99 Sen nengah rega ‘super deal’ ti deka diatur sekumbang promosyen mega dua hari nya.
“Diatu PC IMAGE benung dibuka chara besai ba Ipoh Parade enggau ICT KOMTAR kena 16 September enggau 17 September 2023.
“Kelimpah ari nya, kami bisi barang besereta promosyen manah enggau barang ke ulih ngulihka ‘Spin, Save and Win’, bisi ‘Super Deal Item’ rega pemadu murah 99 sen enggau ‘happy hour’ ke berengkah 11 pagi nyentuk 6 lemai.
“Chukup mayuh promosyen barang nyentuk pengabis baruh 80 peratus,” ku iya.
Iya madah munyi nya maya dirandau ba PC IMAGE, ICT Mall@KOMTAR di George Town sehari tu tadi.
Tandu iya mensia mayuh mega bepeluang ngulihka baucher meli barang berega RM100 enggau baucher servis berega RM200.
Penguna mega bepeluang ngulihka 88 iti barang nyengkaum kerusi bemain video berega RM699 enggau laptop berega RM999 ti dijual enggau rega semina RM8 maya program bejual terus kena 16 September.
Udah nya, penguna ke bebelanja RM200 ke atas, deka bepeluang bulih bemacham barang sereta masuk pekit ‘Spin, Save and Win’ enggau rega ‘ngenyit’.
Naka tu, PC IMAGE ngembuan lebih 30 buah pampang ba selampur Malaysia sereta nyual kereban komputer, kereban bemain video enggau mayuh barang IT ke bukai.
Penerang silik ulih dipeda ba laman web, pcimage.com.my/tvs. -TVS
