KUCHING, 3 Sept: Perintah Sarawak deka mantaika Rang Undang-Undang (RUU) baru ngaul kuasa ba bulan November tu.
Premier Sarawak, Datuk Patinggi Tan Sri Abang Johari Tun Openg madah, penerang silik bekaul enggau undang-undang nya digaga dikena nyaga agih Sarawak dalam ekonomi baru.
“Pengari rayat ari SUPP, PDP, PRS, GPS deka mantaika undang-undang baru kena November tu bekaul enggau kuasa.
“Aku deka mantaika siti undang-undang, nya deka nyaga Sarawak dalam ekonomi baru.
“Tu mih chara dikedeka kitai dalam ngemansangka kuasa gadung,” ku iya maya bejadika Konvensyen Khas 2023 Parti Sa’ati Rayat Sarawak (SUPP) nyerumba 60 Taun Sarawak Merdeka, ba Indu Opis SUPP, ditu kemari.
Sama bisi datai ngulu pengerami tu, dua sapit iya Datuk Amar Douglas Uggah Embas enggau Dato Sri Dr Sim Kui Hian yang juga ke mega Presiden SUPP.
Lebuh nerang silik, Abang Johari madah, pekara nya taja pia bedau bisi penerang silik laban agi benung dilangkar.
“Aku agi nadai penerang ke nyemetak laban iya benung dilangkar raban luyar menua.
“Kitai mega deka mantaika RUU ke bekaul enggau ekonomi,”ku iya.-TVS
