KUCHING, 20 Julai: Sebuah kapal kargo dipelaba lungkup ba kandang tasik Pulau Burung di Sebuyau, tengah hari tadi.
Direktor Maritim Nengeri,Laksamana Satu Maritim Zin Azman Md Yunus ngenuku ke penusah nya madah, KM Kinabalu udah datai ba endur penusah nyadi nguji mantu sereta nyidi sida ke tasah.
Nitihka penerang semilan anak kapal iya nya empat rayat Malaysia, siku peranak Indonesia enggau empat peranak Myanmar agi bedau temu.
“Aset Maritim Malaysia bukai baka bot Kilat enggau aset uddar AS355N PGU PDRM udah digerah ngesah palan penusah lalu nyidi sida ke lenyau,” ku iya madah nengah sebengkah penerang, tadi.
Dulu ari nya, Agensi Penerit Adat Maritim Malaysia (APMM) Sarawak nerima ripot bekaul enggau kapal lenyau ari sebuah serikat kapal kargo MV Tung Sung urung pukul 9.40 pagi tadi.
Operasyen nya bela dibantu Balai Bomba enggau Penyah Penusah (BBP) Simunjan.-TVS
