SIBURAN, 29 Jun: Sapit Premier Sarawak Dato Sri Dr Sim Kui Hian meransang rayat Sarawak lebih agi rebak baru anang enggai ngerebut peluang dalam mayuh sektor ke bekaul enggau teknologi gadung.
Ku iya, rebak baru patut ngerebut peluang nya ngambika sida ulih nangkup peluang gawa dibaruh sektor teknologi gadung ke benung dikemansangka perintah Sarawak.
“Hidrogen chukup nemban dikena ungkup mesin berat.
“Taja pan bisi sekeda endur nadai (empai bisi) ngembuan palan stesyen hidrogen tang ba Sarawak kitai udah bisi palan endur ngisi minyak.
“Kitai mega deka ngagai perengkaguna dikena mindahka hidrogen.
“Naka tu, kitai deka bisi kilang hidrogen di Bintulu. Nama kebuah Perintah Korea nadai ngaga hidrogen ba menua sida empu?
Tu beduduk ari Sarawak kaya enggau penatai pengeraja asal,”ku iya.
Dr Sim ke mega Kaban Kunsil Nengeri (ADUN) Batu Kawa madah munyi nya pengudah bejadika Zoomlion Product Series ditu, kemari.
Ngelansa pekara bukai, Dr Sim madah, Sarawak ngelaluka teknologi baru ti dibantaika Zoomlion, pengeluar mesin berat ari China ti nguna aplikasyen Teknologi Peneras Gaga (AI).
Ia sebagi ari pengawa Sarawak ke patut dipelajar nengah revolusyen industri 4.0 sereta dikena mutarka isu pemayuh tusun pengawa ba nengeri tu.-TVS
