KUALA LUMPUR, 11 Jun: Perintah benung chakah berundingka chara muka mayuh agi palan perubat riman ba serata menua ungkup pengelantang raban pesakit.
Menteri Pengerai Dr Zaliha Mustafa madah tebal agi palan perubat riman ke bisi diatu bepalan ba Lembah Klang ngujungka pesakit riman ambika banding ari Pekan chukup jauh nganjung diri berubat.
“Mayuh bala pesakit riman ngelawa Kuala Lumpur.
“Kitai mega benung berati ungkup timpuh panjai magi zon nyema bisi jereki, lalu perambu nyema dipinta palan perubat riman deka digaga ba zon Utara, Timur, Sabah enggau Sarawak,” ku iya.
Iya madah munyi nya maya aum pemberita ‘Against All Odds – A Tribute To Cancer Survivor’ ba Sepital Gleneagles, ditu kemari.
Tandu iya, opis menteri pengerai komited negapka program beperesa riman dikena nentuka mayuh agi rayat Malaysia ulih diperubat nitih atur ke betul.
Berebak enggau nya, ngelansa pasal Atur Pengawa Standard (SOP) COVID-19, Dr Zaliha madah raban sida benung beratika baru SOP nya kena 15 June tu.
“Kitai agi nitihka status iya nya Sitak Endur Dirampit ti kepenudi kena 30 June tu.
“Nyadi, tengah bulan June tu iya nya kena minggu kedua kitai deka nentuka iya baka ni,” ku iya.-TVS
