KUALA LUMPUR, 27 Mac: Opis Menteri Pelajar (KPM) deka neruska pengawa ngambi pengajar chara ‘one-off’ tauka sekali nganjung endur gawa nengah atur Kluster Mata Pelajar (KMP), bepelasarka Aum Parlimen sehari tu.
Sapit Menteri iya, Lim Hui Ying madah, tu beduduk ari agi mayuh pangku pengawa pengajar puang lalu patut diisi mungkur sekeda opsyen mata pelajar.
“Kitai (KPM) deka bejalaika atur nengah chara nambahka sekeda atur.
“(Diatu) benung ba tikas nisih enggau perambu nya deka dipadah udah tu,” ku iya.
Iya mansutka penemu nya maya nyaut tanya tambah Datuk Seri Saifuddin Abdullah (Perikatan Nasional – Indera Mahkota) ti deka nemu atur ke dititih ba taun siti ke udah dalam nangkup pengawa puang ti deka diteruska opis menteri.
Berebak enggau nya, Hui Ying mega madah, KPM udah bejalaika pengawa ngambi urung 22,327 pengajar ngaul 148 bidang nengah atur one-off enggau kluster mata pelajar kenyau 2021 nyentuk Januari taun tu.
Ku iya, pengawa bejalaika atur nya endang strategi dikena nentuka isu kurang pengajar ulih teputar ngaul mata pelajar Inggeris, Melayu, Pendidikan Islam, Matematik enggau Sejarah.
“KPM bejalaika pengawa ngisi pengawa puang pengajar ari raban graduet pelajar ari Institut Penarak Pengajar Malaysia (IPGM), universiti perintah, universiti peribit enggau universiti menua luar bepanggai ngagai pengawa puang enggau peminta opsyen mata pelajar,” ku iya. -TVS
