MIRI, 10 Mac: Urung 80 iku pengani tebunsa pengudah semilan rumah ke alai sida diau dituntung penusah angus ba Kampung Wireless ditu, pagi tadi.
Pengari Opis Bomba enggau Penyah Penusah Malaysia Sarawak madah, enam buah rumah angus lengis, dua buah rumah angus setengan enggau sebuah agi rumah semina angus 20 peratus.
Bomba nerima kangau tasah ke nuntung 12 pintu ruang bilik nya urung pukul 7.15 pagi.
“Pengawa ngerara api agi dipejalaika ba endur penusah nyadi,” ku iya madah nengah sebengkah penerang.
Pengawa ngerara api nya ngaul raban bomba ari Balai Bomba enggau Penyah Penusah Miri Sentral enggau Lutong.
“Pengawa ngerara api mega dipejalaika nguna injin pam enggau kapal orang berikan ngatika diri ba genturung pendiua nya nengah entali dua salur,” ku iya. – TVS
