LAWAS, 26 Feb: Raban polis udah ngetan siku lelaki sereta ngerampas siti senapang patah nyengkaum 10 igi seterum sereta dadah dalam sebuah kerita nengah sebengkah operasyen ke dipejalaika ba Kampung Berjumpa Jalai Sundar ditu, kemari.
Tuai Polis Pelilih Lawas, Deputi Superintendan (DSP) Sila Kadong madah, nengah operasyen ke digaga pukul 12 tengah hari nya raban sida mujur ngetan saspek beumur 40 taun ba simpang tama ke sebuah rumah ke nadai lumur ba sitak nya.
“Asil peresa silik, polis ngerampas mayuh macham papung tiub straw ke ngundan sepur kristal dipelaba dadah methamphetamine dianggar berat 60.9 gram berega RM6,090.”ku iya nengah nengah sebengkah penerang media, kemari.
Nangkan ke nya, asil peresa ai kemi tetemuka saspek positif dadah bansa methamhetamine/amphetamine enggau asil peresa rikod lama mega tetemuka saspek endang bisi rikod kes bekaul enggau dadah.
Ku Sila mega, saspek deka diriman dikena mantu mansik kes nya lalu kes dipansik nitihka Seksyen 39B Akta Dadah Berbahaya 1952 enggau Seksyen 8 (a) Akta Senjata Api 1960.-TVS
