KUCHING, 27 Jan: Perintah penyerakup dikearap ulih mekuhka pemansang ke sebela di mengeri enggau menua pesisir.
Ku Pemikir Politik, Profesor Sains Politik Universiti Putra Malaysia (UPM)Prof. Datuk Dr. Jayum Jawan madahka, asil pemisi menua patut disadung enggau adil ngambika rayat di menua pesisir enda ngasaika diri dikelaung ari pemansang.
“Sarawak tu sigi menua ti kaya, mayuh duit tang duit tu tadi anang semina dikena kitai ngadu ke pemansang di pasar (mengeri) aja.
“Semua nya tadi rayat ti mayar chukai lalu duit chukai tu tadi patut disadung enggau adil ngagai semua orang, ukai di pasar aja tang patut mungkur di menua pesisir.Tu tanggungpengawa ke besai perintah, ukai mina ngatur perambu, ngatur pemansang tang mesti ka nentuka pemansang tu tadi diasai, dibagi kitai enggau semua rayat ngambika kitai tu tadi sama mansang maju,” ku iya.
Iya mansutka jaku nya rambau dirandau pengarang berita TVS empai lama.
Ku iya nambah, pemansang mega patut mekuhka ngagai menua pesisir ukai semina di mengeri senutuk enggau juluk perintah ti deka nyadi sebuah menua ke maju manggai taun 2030.
